السلام عليكم ورحمة الله وبركاته
تحية طيبة لكل الاعضاء الكرام
قى اتصال اليوم مع دكتور حسن سراج الدين وكيل الكلية ( جزاه الله كل خير )



تم الاستفسار عن الأتى

1 - بخصوص التقدير التراكمى : يتم جمع درجات الرأفة المستحقة للطالب خلال الاربع سنوات ثم يخصم منها الدرجات التى حصل عليها
ومن ثم يتم حساب باقى الدرجات المستحقة له , فاذا كان التقدير التراكمى للطالب سيتغير اذا تمت اضافة درجات الرأفة يتم اضافتها
مثال للتوضيح : طالب جايب 3960 جيد مثلاً والجيد جداً من 4000
يتم جمع درجات الرأفة المستحقة خلال الاربع سنين طلعوا 60 درجة مثلاً والطالب عايز 40 درجة لو اتحطوا ينقل الطالب من جيد الى جيد جداً
فى كده اكتر من حالة عندنا
* طالب ما استفدش بأى درجات رأفة خلال الاربع سنين فمن حقه 60 درجة ولو اتحطوا يرفعوا تقديره
يبقى يستحق درجات الرأفة ويتحط ليه 40 درجة منهم
* طالب استفاد قبل كده من 20 درجة او اقل فيبقى معاه اكتر من 40 درجة
يبقى يستحق درجات الرافة ويترفع التقدير
* طالب استفاد من اكتر من 20 درجة قبل كده
فباقى الدرجات غير كافية انها ترفع التقدير فميترفعش التقدير ويفضل زى ما هو

2 - بخصوص الشهادة المؤقتة : لسه لحد دلوقتى النتيجة لم تعتمد رسمى من الجامعة ويمكن للطلاب الحصول على الشهادة فور اعتماد النتيجة
وامتى هتعتمد مش عارفين بالظبط بس خلال الاسبوع ده بإذن الله

ماكان من توفيق فمن الله وما كان من خطأ او نسيان فمنى ومن الشيطان

الله يخليك يا مهنى والله ياعم الواحد مش عارف يقولك ايه ربنا يجعله فى ميزان حسناتك ياااااااااااااااااااااااااااااااااااااااااااارب

Hendy2020 كتب:الله يخليك يا مهنى والله ياعم الواحد مش عارف يقولك ايه ربنا يجعله فى ميزان حسناتك ياااااااااااااااااااااااااااااااااااااااااااارب

متقولش حاجة ياصديقى
ادعييييييييييلى بس دعوة حلوة كده وانت بتفطر